زعفران کی کاشت کی مکمل گائیڈ۔

Courtesy by,

Garden Shop 

Order for Saffron Bulbs..

Web Store : www.getfreeseeds.com

ضروری نوٹ

 

یہ بلاگ صرف اور صرف گھریلو سظح  پر نان کمرشل کاشتکاری کے لیے ہے۔ 

زعفران کی کاشت

 زعفران پھول کے اندر سرخ رنگ کی تین تاروں کی شکل میں ہوتا ہے۔ اس کو سٹگما بولا جاتا ہے۔ ایک پھول سے تقریبا 35 ملی گرام زعفران حاصل ہوتا ہے۔ پھول کو ردمیان سے کاٹ کر سٹگما نکال لیا جاتا ہے۔ یاد رکھیے زعفران کا بیج ایک چھوٹے پیاز کی گٹھی کے برابر ہوتا ہے۔زعفران کے بیج دانے دار یا کسی اورشکل میں نہیں ہوتے۔ مارکیٹ میں دانے دار کینو کی بیج کی طرح کا بیج بھی زعفران کا بیج کر کے فروخت ہوتا ہے، جو کہ کسم کا بیج ہے اور کچھ لوگ للی کا بلب زعفران کر کے سیل کرتے جو کہ سفید یا جامنی کلر کے فلاور دیتا ہے مگر اس میں زعفران کے سرخ سٹگما یا تار نہیں ہوتے۔ اور یہ مون سون میں فلاور دیتا ہے۔ زعفران کی سب سے الگ خاصیت اور پہچان یہ ہے کہ یہ صرف خزاں کے موسم میں پھول دیتا ہے اور اس کا پھول پہلے نکلتا ہے اور بعد میں پتے نکلنا شروع ہوتے ہیں۔ جب کے دوسرا کوئی بھی پودا پتے ہہلے اور پھول بعد میں دیتا ہے۔ بلب کے سایز کے حساب سے ایک بلب پر ایک سے پانچ پھول آتے ہیں۔ جتنا بڑا بلب ہو گا اتنے زیادہ پھول دیتا اور اتنے زیادہ آگے نئے بلب پیدا کرتا۔

زعفران کا بلب 45 سینٹی گریڈ سےمنفی20 سینٹی گریڈ تک کے موسم میں ٹھیک حالت میں رہتا ہے۔پاکستان کے سرد علاقوں میں خزاں اکتوبر اور سندھ کے علاقوں میں دسمبر تک خزاں کا موسم شروع ہوتا ہے۔ جب درجہ حرارت ۲۵ سے نیچے آنا شروٖع ہو تو بلب لگانے کا بہترین موسم ہے، اور جب  درجہ حرارت 15-20 سنٹی گریڈ سے کم آتا ہے تو پھول آنا شروع ہو جاتے ہیں۔ ہر علاقے میں پھول نکلنے کا موسم مختلف پایا گیا ہے۔ لہذا پہلے سال بیس سے پیچس بلب لگا کر دیکھا جا سکتا ہے کہ آپ کا موسم زعفران کی کاشت کے لیے موزوں ہے۔ 

زعفران کے بارے میں ایک خیال یہ کے کہ اس کے لیے خاص قسم کی زمین اور موسم ضروری ہے اور یہ خاص علاقوں کے لیے صرف موزوں ہے اب پرانا ہو چکا ہے۔ جہاں دنیا میں ہر روزنت  نئی ٹیکنالوجی تخلیق ہو رہی ہے وہاں کاشت کاری میں بھی جدت پیدا ہو رہی ہے۔ آبادی میں اضافے کے ساتھ زرعی زمین کم ہو رہی ہیں۔ اور پانی کی بھی کمی ہو رہی ہے۔ اس لیے زعفران میں بھی نئی ٹیکنالوجی استعمال ہو رہی ہے۔ جس میں زعفران کے پھول بلب کو زمیں میں لگائے بغیر مصنوعی ماحول بنا کر لیے جا رہے ہیں۔ ذیل میں اس کی کچھ تصاویر قارئین کے لیے دی جا رہی ہیں۔ اس کا طریقہ کار الگ بلاگ میں بیان کیا جائے گا، فلوقت پاکستان میں یہ طریقہ محدود پیمانے پر گارڈن شاپ نے شروع کیا ہے، مگر صرف بلب کی بہت زیادہ قیمت کی وجہ سے یہ طریقہ قابل عمل نہیں، مگر مستقبل میں صرف ایک چھوٹے سے ہال میں ایک ایکٹر سے زیادہ کی پروڈکشن لی جا سکتی ہے۔

زعفران کے بلب مارکیٹ میں اپریل سے دسمبر تک دستیاب ہوتے ہیں۔ جیسا کے اوپر بیان کیا گیا ہے کے زعفران کے بلب جب درجہ حرارت 25 سے کم ہوتا ہے تو پھول دینا شروع کرتے ہیں۔ پاکستان میں گرم علاقوں میں یہ ٹمپریچراکتوبر ۔ نومبر میں آنا شروع ہوتا ہے۔ گرم علاقوں میں کاشت کے لیے زعفران کے بلب کو کم از کم ایک ماہ 20 سے 22 سنٹی گریڈ والے کمرے یا فریج میں رکھنا چاھیے۔ فریج میں جب بلب پھوٹنا شروع ہو جائیں تب زمین میں شفٹ کریں۔ اکتوبریا نومبر میں لگانے والے بلب کو فریج میں رکھنے کی ضرورت نہیں۔  زعفران کے بلب کو زمین میں اگست تا دسمبر تک لگا سکتے ۔ اگر نومبر میں بھی ٹمپریچر 30 سے کم نہ ہو تب اس ایریا میں اس کی کاشت مت کریں۔ 

بلب خریدتے وقت اپنے ایریا کے درجہ حرارت کو زہین میں رکھ کر بلب کا آرڈر دیں۔ جن علاقوں میں درجہ حرارت مئی تک بھی 30 سینٹی گریڈ سے اوپر نہیں جاتا وہاں میڈیم بلب کاشت کیا جا سکتا ہے۔ جن علاقوں میں گرمی جلدی پڑنا شروع ہو جاتی ہے وہاں بڑے سائز کا بلب کاشت کرنا چاہیے۔ 

چونکہ گرم موسم میں زعفران کا بلب سو جاتا ہے۔ اور جونہی ٹھنڈا موسم شروع ہوتا ہے پھول نکلناشروع ہو جاتے ہیں۔ سردی میں زعفران کا بلب بڑھنا شروع ہو جاتا ہے, زعفران کا بلب بہت تیزی سے زمین میں بڑھتا ہے۔ یہ 2 سے 4، 4 سے 8 اور 8 سے 16 اور فر 32 ھو جاتا ہے۔ ہر 2 یا 3 سال بعد ان کو نکال کر اور جگہ پر لگانا پڑتا ہے۔ یاد رکھیں اگر مناسب حفاظت کی جائے تو زعفران کا بیج 20 سال تک چلتا ہے۔ اور اس کے اگے ہزاروں بلب پیدا کرتا ہے۔

ایکویلہ یا سپینش زعفران ساخت کے اعتبار سے سرخ اور دنیا میں سب سے قیمتی زعفران ہے۔ ایک گرام زعفران کی قیمت تین سے پانچ ہزار ہے۔ ادویہ سازی اور کھانوں میں اس کی بکثرت ڈیمانڈ ہے۔ 

جیسا کے اوپر بتا یا گیا ہے کہ زعفران کے بلب زمین میں بہت تیزی سے بڑھتے ہیں، اگر آپ کا ایریا میں مئی تک درجہ حرارت ۳۰ سے کم رہتا ہے تو بلب کی بڑھوتری کے لیے ایسے علاقے بہت سود مند ہیں۔کیونکہ زعفران کا بیج مہنگا ہوتا ہے اس لیے چھوٹے رقبے پر لگا کر اس کے بیج بنائیں جائیں اور آہستہ آہستہ اس کو بڑھاتے جایئں۔ ہر سال یہ آپ کی انوسٹمنیٹ کو کئی گنا بڑھاتا جائے گا۔

گھروں یا چھوٹے لیول پر کاشت کا طریقہ تصاویر کے ساتھ نیچے بیان کیا گیا ہے، بڑے رقبے پر کاشت کے لیے آپ اوپر دیئے گیے نمبر پر رابطہ کر سکتے ہیں۔

زعفران کی فصل

زعفران کے پھولوں کا گچھہ

زعفران کا پودا

زعفران کی گملوں میں کاشت 

گھریلو سطح پر کاشت

زعفران کے بلب

کم از کم 25 بلب خریدیں۔اور آدھے بلب زمیں میں لگائیں اور آدھے گملے میں۔ عام طور پر چھ چھ بلب اکھٹے گچھے کی صورت میں اگائے جاتے ہیں۔ گچھے کی صورت میں اگانے سے پھول زیادہ آتے ۔

زعفران بلب اگست سے دسمبر تک لگائے جا سکتے ہیں۔ ایسی زمیں جس پر برف باری ہو، اس پر برف باری سے چھ سے آٹھ ہفتے پہلے بلب لگائے جا سکتے ہیں۔ 

 ایسے جگہ کا انتخاب کریں جہاں سردیوں میں زیادہ ڈاریکٹ سورج کی روشنی آتی ہو۔ گملے میں لگانے کی صورت میں کم از کم چودہ انچ گہرائی کا گملہ لیں اور گملے میں پانی ہرگز رکنا نہیں چاہیے۔ چھوٹا گملا مت استعمال کریں کیونکہ دھوپ لگنے سے گملا گرم ہو جاتا ہے اور پھول کم یا نہیں آتے۔

 زمیں میں گڑھا بنائیں اور تقریبا بارہ سے سولہ انچ تک اچھی طرح مٹی کو نرم کر لیں مٹی میں 1 یا 2 کلو لیف کمپوسٹ یا 2 یا 3 سال پرانا گوبر مکس کر کے دو یا تین دن بلب لگانے سے پہلے خوب پانی دیں۔ ۔ اور پھر  درمیان میں  زعفران کے بلب لگا دیں۔ یاد رکھیں بلب کم از کم آٹھ انچ گہرائی میں ہونا چاہیے۔ گرم علاقوں میں اس کو 10 سے 12 انچ بھی گہرا لگا سکتے۔  

اس بات کا خیال رکھیں کے پانی زمین میں اکھٹا نہیں ہونا چاہیے۔ ریتلی مٹی کا استعمال بہتر ہے۔ تاکہ نمی قائم رہےاگر آپ کے علاقے کی مٹی چکنا ہے تو اس میں ریت اور گوبر مکس کر سکتے۔

آٹھ انچ یا 20 سنٹی میٹر کا کا گڑھا بنایں اور اس میں زعفران کا بلب لگا دیں۔

مختلف کھادوں اور کیمیکل کا مرکب آپ کھاد کے طور پر استعمال کر سکتے ہیں۔ یا آپ کھاد کا پیکٹ بایئو ٹیک سے بھی منگوا سکتے ہیں۔

بلب کو لگاتے ہوئے خیال رکھیں کے اس کا پتلا یا منہ والا حصہ اوپر کو رکھیں۔ 

 زعفران بلب لگانے کے بعد اچھی طرح زمیں کو پانی لگائیں۔ پہلا پانی بلب لگانے کے فورا بعد دیں پھر 15 دن بعد اگر مٹی میں انگلی دبا کر دیکھیں اگر 2 انچ تک مٹی خشک لگے تو پانی دیں ورنہ پانی کی ضرورت نہیں۔۔ پھرپھول نکلنے کا انتطار کریں۔ 

 زعفران بلب کو زیادہ پانی مت لگایں۔ سردیوں کی بارش کی وجہ سے پانی کی مناسب مقدار ملتی رہتی ہے۔

زعفران کا بلب بہت تیزی سے پھیلتا ہے، اور سردیوں میں پھول نکلنے کے بعد اس سے چھوٹے چھوٹے بے شمار بلب نکلنا شروع ہو جاتے ہیں۔ ان علیحدہ کر کے مزید ٖفصل کو بڑھایا جا سکتا ہے یا مارکیٹ میں فروخت کیا جا سکتا ہے۔